WAT DIT BETEKEN OM 'N LIDMAAT
VAN PRETORIA-OOS GEMEENTE TE WEES
ONS VISIE
Ons gemeente skep ruimtes vir mense in hulle diversiteit waar hulle (saam)... God kan ontmoet, tot egte aanbidding van God kan kom en Hom in die wêreld kan dien, sodat die lewe in oorvloed kan deurbreek.
Kliek hieronder vir meer inligting onder elke skakel:
- Na bo
Ons smag na groei en verdieping in ons verhouding met God. - Na binne
Ons strewe na effektiewe bediening in en deur die gemeente. - Na buite
Ons droom van heelheid van mense sodat God se “vrede” vir hulle kan deurbreek.
- ‘n keuse wat ek maak om my Christenskap en roeping in hierdie gemeente uit te leef,
- 'n verbintenis wat ek maak om betrokke te wees in die gemeente en
- om my diensbaarheid aan die Here in die gemeente en in ons gemeenskap uit te leef.
- om as gelowiges en as gemeente in die krag van die Gees werklik ‘n verskil te maak in die samelewing waarin die Here ons geplaas het, sowel persoonlik as gesamentlik.
- Om die eenheid van die kerk te beskerm
- Dat ons deel in die verantwoordelikheid van die kerk
- Om diensbaar te wees in die bediening van ons gemeente
- Om die getuienis van die kerk in die wêreld ondersteun
Ons verstaan dat dit ons antwoord is op God wat ons syne gemaak het in Jesus Christus en dit aan ons bevestig het met ons doop. Ons verstaan ook dat om lidmaat van die kerk van Christus te wees sekere verantwoordelikhede op ons plaas.
Die jaartema vir 2024 is:
Die onpeilbare rykdom van Jesus Christus
Die gedagte is om as’t ware terug te keer na die basiese toe: wie en wat Jesus was, wat Hy gedoen en geleer het en wat dit steeds vir elke gelowige beteken as navolger van hierdie Jesus. Die uiteindelike doel is dat die gemeente die rykdom van die Persoon en werk van Jesus sal leer ken om opnuut verwonderd te staan oor Hom as Here en die verlossing wat Hy gebring het.
WAT GEBEUR SONDAE?
IN DIE EREDIENS
Die erediens staan sentraal in die bediening van die gemeente. Die aanbidding van God in die erediens is die hartklop waar alles begin en waartoe alles heen oploop.
Jy kan dié Zapper-kode
gebruik om deurkollekte te gee:
Eredienste om 09:00 (Kerk elke Sondag AANLYN)
Kategese om 10:00-10:45 (Elke Sondag behalwe langnaweke en skoolvakansies)
Kinderkerk 09:00-10:00 (Maandeliks aanlyn / in die kerksaal)
Kyk gerus na die eredienste se lewendige uitsending op ons Youtube-kanaal by Pretoria-Oos Gemeente. Die dienste kan enige tyd afgelaai en gekyk word.
OORDENKING
Hou van ons Facebook-blad by Pretoria-Oos NHK Gemeente of www.facebook.com/pretoriaoosnhk/ of @pretoriaoosNHK en bly op hoogte van gemeentenuus. Jy kan ook ‘n daaglikse oordenking daar lees.
Aanlyn Eredienste
LERAARS
Ds. RUE HOPLEY
E-pos: rue@pretoriaoos.com Tel: 079 502 1990
Ds. HANNES VAN DER MERWE
E-pos: hannes@pretoriaoos.com Tel: 082 575 1979
